- सोमवार, कार्तिक २४, २०८३ / Monday, Nov, 09 ,2026
जवरजस्ती करणी उद्योग (बलात्कार प्रयास) को अभियोग लागेका जनप्रतिनिधि वडाध्यक्षलाई अदालतले २५ हजार रुपैयाँ धरौटीमा रिहा गरेको छ ।
कञ्चनपुर जिल्ला अदालतले जिल्लाको भीमदत्त नगरपालिकाको वडा नम्बर ९ का वडाध्यक्ष राम नाथलाई २५ हजार रुपैयाँ धरौटीमा रिहा गर्ने आदेश जारी गरेको हो ।
न्यायाधीश गोपाल प्रस्ताद वास्तोलाको इजलाशले नाथबाट २५ हजार धरौटी लिइ तारेखमा रिहा गर्न आदेश जारी गरेको हो ।
भीमदत्त नगरपालिकाअन्तर्गत पर्ने ब्रह्मदेव बजारमा होटल सञ्चालन गर्दै आएकी एक महिलाले वडाध्यक्ष नाथमाथि बलात्कार प्रयासको आरोप लगाउँदै प्रहरीमा उजुरी दिएकी थिइन् ।
आफ्नै होटेलमा मदिरा सेवन गरेर वडाध्यक्ष नाथले आफूमाथि बलात्कार गर्न खोजेको महिलाको आरोप थियो ।
महिलाको उजुरी पछि प्रहरीले नाथलाई पक्राउ गरी अनुसन्धान शुरु गरेको थियो ।
