- सोमवार, कार्तिक २४, २०८३ / Monday, Nov, 09 ,2026
काठमाडौंमा एक युवकले लकडाउनका बेला सवारी नपाएर पैदल हिँडिरहेकी युवतीलाई लिफ्ट दिने भन्दै गाडीभित्र बोलाएर बलात्कार गरेको घटना सार्वजनिक भएको छ ।
असार २८ गते साँझ ललितपुरको नख्खु क्षेत्रमा एक २७ वर्षीय युवकले २० वर्षीया युवतीलाई लिफ्ट दिएर गाडीमा घर पुर्याइदिने भन्दै गाडीभित्र बोलाएर बलात्कार गरेको खुलेको हो ।
प्रहरीका अनुसार युवतीमाथि बलात्कार गर्ने युवक इलाम घर भइ ललितपुरको नख्खु बस्ने २७ वर्षीय वीक्रम गजमेर हुन् । आइतबार साँझ युवतीमाथि बलात्कार गरी फरार रहेका गजमेरलाई २४ घण्टा भित्रै सोमबार साँझ पक्राउ गरिएको महानगरीय अपराध महाशाखाले जानकारी दिएको छ ।
पक्राउ परेका गजमेरमाथि थप अनुसन्धान र आवश्यक कारबाहीका लागि महानगरीय प्रहरी परिसर ललितपुरको जिम्मा लगाइएको महाशाखाका प्रवक्ता प्रहरी उपरीक्षक ईश्वर कार्कीले जानकारी दिए ।
