- बिहिबार, भदौ ४, २०८३ / Thursday, Aug, 20 ,2026
छोरीलाई बलात्कार गर्ने बाबुविरुद्ध जिल्ला प्रहरी कार्यालय कैलालीमा मुद्दा दर्ता भएको छ।
जिल्ला प्रहरी कार्यालय कैलालीमा पीडित पक्षले आइतबार मुद्दा दर्ता गराएका हुन् । ३ साउनमा कैलालीको घोडाघोडी नगरपालिकामा १४ वर्षीया र १७ वर्षीया दुई छोरीमाथि आफ्नै बाबुले बलात्कार गरेको आरोप लागेको थियो। बलात्कारको आरोप लागेका बाबु भने फरार रहेका छन्।
इलाका प्रहरी कर्यालय सुखडमा संरक्षक नभएको भन्दै ३ साउनमा मुद्दा दर्ता भएको थिएन। आइतबार जिल्ला प्रहरी कार्यालयमा जबरजस्ती करणी र बाल यौन दुराचारमा मुद्दा दर्ता भएको डीएसपी प्रतीक विष्टले बताए। उनले फरार रहेकाको खोजी भइरहेको बताएका छन्।
