- बिहिबार, भदौ ४, २०८३ / Thursday, Aug, 20 ,2026
अविरल वर्षासँगै स्रोत नदी तथा खोलाहरुमा आएको बाढीका कारण नारायणी नदीमा पानीको सतह खतराको संकेतभन्दा माथि पुगेको छ ।
जल तथा मौसम विज्ञान विभागको बाढी पूर्वामानुमान महाशाखाका अनुसार नारायणी नदीको देवघाट मापन केन्द्रमा पानीको सतह खतराको संकेतभन्दा माथि पुगेको हो ।
नारायणी नदीको देवघाट मापन केन्द्रमा पानीको सतह ८.०४ मिटर पुगेको बाढी पूर्वानुमान महाशाखाले जनाएको छ । देवघाट मापन केन्द्रमा पानीको सतह ८ मिटर पुगे खतराको संकेत मानिन्छ ।
यस्तै, नारायणगढ पुलमा रहेको मापन केन्द्रमा पानीको सतह सतर्कता संकेतभन्दा माथि पुगेको छ । पुलको मापन केन्द्रमा पानीको सतह ११.२४ पुगेको बाढी पूर्वानुमान महाशाखाले जनाएको छ ।
नारायणगढ मापन केन्द्रमा पानीको सतह ११ मिटर पुग्दा सतर्कता संकेत पार गरेको मानिन्छ । पानीको तह बढ्दो क्रममा रहेकाले तटीय क्षेत्रका बासिन्दालाई सतर्कता अपनाउन आग्रह गरिएको छ।
