- शुक्रबार, कार्तिक २१, २०८३ / Friday, Nov, 06 ,2026
पहिरोका कारण चार दिनदेखि बन्द रहेको पृथ्वी राजमार्ग अन्तर्गतको नौबिसे–मुग्लिन सडकखण्डमा साना गाडी चल्न थालेका छन् ।
केही समय अघिदेखि माइक्रो, मोटरसाइकल तथा एम्बुलेन्सलगायतका साना गाडी चल्न थालेको इन्जिनियर कृष्णराज अधिकारीले जानकारी दिए ।
शुक्रबार बेलुकासम्म ठूला गाडी पनि चल्न सक्ने उनको भनाइ छ । मौवाखोलामा मर्मत गरेर पुलको केही भाग बनाइएकाले साना गाडी चल्न थालेका हुन् । अहिले पनि मर्मतको काम चलिरहेको छ ।
धादिङको मौवाखोलामा रहेको पुलको केही भाग बगेपछि यो सडकखण्ड गएको ५ गतेदेखि बन्द भएको थियो भने डाइभर्सनको लागि पनि समस्या भएको थियो ।
