- बिहिबार, भदौ ४, २०८३ / Thursday, Aug, 20 ,2026
डडेल्धुरामा विषालु च्याउ खाँदा एक बालकको मृत्यु भएको छ । परिवारका अन्य चार जना बिरामी भएका छन् ।
विषालु च्याउको तरकारी खाँदा नवदुर्गा गाउँपालिकामा वडा नम्बर ३ का ८ वर्षीय बालक ललित धामीको मृत्यु भएको हो ।
धामीलाई उपचारका लागि सेती प्रादेशिक अस्पताल लैजाँदै गर्दा मृत्यु भएको जिल्ला प्रहरी कार्यालय डडेल्धुराले जनाएको छ ।
त्यस्तै विषालु च्याउ खाएकी बालककी आमा बिस्ना धामी र तीन दिदीबहिनी बिरामी परेका छन् । उनीहरुको सेती प्रादेशिक अस्पतालमा उपचार भइरहेको छ ।
