- शनिबार, कार्तिक २२, २०८३ / Saturday, Nov, 07 ,2026
पर्सा र बारामा गरी थप ७० जनामा कोरोना भाइरसको संक्रमण पुष्टिभएको छ ।
पर्साको वीरगन्जस्थित नारायणी उपक्षेत्रीय अस्पतालको प्रयोगशालाबाट सोमबार राति आएको रिपोर्टअनुसार पर्साका ६६ र बाराका ४ जनामा कोरोना संक्रमण पाइएको हो ।
नारायणी अस्पतालका मेडिकल सुपरिटेन्डेन्ट डा. मदन उपाध्यायका अनुसार त्यसमा डाक्टर, स्वास्थ्यकर्मी, प्रहरी र सर्वसाधारण छन् । संक्रमितमा २२ महिला र अरू पुरुष छन् । उनीहरु ३ वर्षदेखि ७६ वर्षसम्मका छन् ।
‘तीमध्ये नेसनल मेडिकल कलेज (वीरगन्ज) का २ चिकित्सकसहित ३ जना, नारायणीका ३ स्टाफ नर्स र २ कार्यालय सहयोगी र एक जना सशस्त्र प्रहरी छन्,’ डा. उपाध्यायले मंगलबार बिहान भने, ‘वीरगन्जकै भवानी हस्पिटलका पनि ६ कर्मचारी छन् तर ती चिकित्सक हुन् वा के भन्ने खुलाइएको छैन।’
