- बिहिबार, भदौ ४, २०८३ / Thursday, Aug, 20 ,2026
सल्यान प्रहरीले विवाह गर्छु भनि प्रलोभन देखाई जबरजस्ती करणी गरेको आरोपमा एक जनालाई पक्राउ गरेको छ ।
जिल्लाको शारदा नगरपालिका वडा न ६ बरलाका २७ वर्षीय प्रकाश परियारलाई जबरजस्ती करणी गरेको आरोपमा मंगलबार प्रहरीले प्रक्राउ गरेको हो ।
सल्यान कालिमाटी गाउँपालिका-३ स्थायी घर भई शारदा नगरपालिका-६ मा बस्दै आइरहेकी १२ वर्षीया बालिकालाई जबरजस्ती करणी गरेको जिल्ला प्रहरी कार्यालय सल्यानले जनाएको छ ।
२५ गते राती बरलाको दौरेडाँडा भन्ने ठाउँमा विवाह गर्छु भनि प्रलोभनमा पारी जबरजस्ती करणी गरेको सूचना प्राप्त भएपछि परियारलाई पक्राउ गरिएको जिल्ला प्रहरी कार्यालय सल्यानका सूचना अधिकारी उमाकान्त जोशीले बताए ।
पक्राउ परेका परियारलाई जिल्ला अदातलबाट म्याद थप गरी अनुसन्धान भइरहेको प्रहरीले जनाएको छ ।
