- बिहिबार, भदौ ४, २०८३ / Thursday, Aug, 20 ,2026
सत्तारुढ नेपाल कम्युनिष्ट पार्टी (नेकपा) का वरिष्ठ नेता माधवकुमार नेपालको सुरक्षामा खटिएका ९ जना प्रहरीमा कोरोना भाइरसको सङ्क्रमण पुष्टि भएको छ ।
३५ जनाको स्वाब संकलन गरिएकोमा नेता नेपालका पीएसओसहित ९ जनामा सङ्क्रमण पुष्टि भएको उनको निजी सचिवालयले जनाएको छ ।
नेता नेपाल र उनको परिवारका अरु सदस्यको कोरोना रिपोर्ट भने नेगेटिभ आएको छ । बिहीबार नेता नेपाल, उनको परिवार, उनको सुरक्षामा खटिएका सुरक्षकर्मीसहित निवासमा रहेका ३५ जनाको स्वाब संकलन गरिएको थियो ।
सङ्क्रमण देखिएका सबैलाई गए राति नै आइसोलेशनमा पठाइसकिएको सचिवालयले जनाएको छ ।
