- आइतवार, कार्तिक २३, २०८३ / Sunday, Nov, 08 ,2026
गत साउन ३० गते (शुक्रबार बिहान) सिन्धुपाल्चोकको जुगल गाउँपालिका–२ लिदीको पहिरोमा बेपत्ता भएकामध्ये थप २ जनाको शव भेटिएको छ ।
आज (शनिबार) ३५ वर्षीया सानोकान्छी दोङ र उनकी ४ वर्षीया छोरी करिस्माई दोङको शव भेटिएपछि मृतकको सङ्ख्या ३२ पुगेको हो ।
पहिरोमा बेपत्ता अन्यको नेपाली सेना, नेपाल प्रहरी र सशस्त्र प्रहरीद्वारा खोजी भइरहेको इलाका प्रहरी कार्यालय जलवीरेका प्रहरी निरीक्षक हरि भट्टराईले जानकारी दिए ।
पहिरोमा ३७ घर क्षति भएका र ३९ जना बेपत्ता भएका थिए । अहिलेसम्म ३२ जनाको शव फेला परेकोमा ७ जना भने अझै बेपत्ता छन् ।
