- बिहिबार, भदौ ४, २०८३ / Thursday, Aug, 20 ,2026
पोखरा महानगरपालिकाले सिफारिस गरेसँगै कास्की जिल्ला प्रशासनले गत मंगलबारबाट जारी गरेको लकडाउनको समय आज बेलुका १२ बजे सकिदैछ ।
पोखरा र आसपासका क्षेत्रमा कोरोना संक्रमितहरुको संख्या दिनानुदिन बढेसँगै जिल्ला प्रशासन कार्यालय कास्कीलाई पोखरा महानगरपालिकाले लकडाउनको लागि आज पुनः ५ दिन थप गर्नको लागि सिफारिस गरेको हो ।
पोखरा महानगरपालिका भित्रका ३३ वटा वडा मध्ये प्राय वडाहरुमा संक्रमण फैलिसकेको छ । समुदायस्तरमा कोरोना फैलिएको पाइएपछि महानगरपालिकाले लकडाउन गर्ने निर्णय गरेको थियो ।
महानगरपालिकाका मेयर मानबहादुर जीसीका अनुसार अब पुनः ३ देखि ५ दिनसम्म लकडाउन थप गर्नका लागि आफूहरुले जिल्ला प्रशासन कार्यालयसँग आज (आइतबार) समन्वय गरेको बताएका छन् ।
दैनिक भीडभाड हुने गरेका सो स्थानहरुबाट जोखिम बढेको भन्दै जीसीले अबको लकडाउनमा फरक तरिकाले कार्ययोजना बनाएर अगाडि बढ्ने बताए । महानगरपालिकामा अब ३ देखि ५ दिनसम्म लकडाउन लम्ब्याउने र त्यसछि फरक तरिकाले अगाडि बढ्ने मनस्थितिमा रहेको छ ।
