- बिहिबार, भदौ ४, २०८३ / Thursday, Aug, 20 ,2026
कोरोना भाइरसको संक्रमणबाट नेपाली कांग्रेसका एक नेताको मृत्यु भएको छ ।
काठमाडौं महानगरपालिका वडा नं. २१ कार्यसमिति सभापति गोविन्द रञ्जितको सोमबार राति मृत्यु भएको हो ।
उनको बलम्बुस्थित सशस्त्र प्रहरी अस्तालमा उपचार हुँदै आएको थियो । १३ दिन अघिदेखि ज्वरो खोकी लागेका रञ्जित आइतबार मात्र अस्पताल भर्ना भएका थिए ।
निकै गाह्रो भएपछि अस्पताल पुगेका उनलाई सीधै भेन्टिलेटर लगाइएको अस्पतालले जनाएको छ । उनको भेन्टिलेटरमै सोमबार राति मृत्यु भएको अस्पताल स्रोतले जनाएको छ ।
उनको मृत्युको काँग्रेस काठमाडौं–२ नम्बर का क्षेत्रीय सभापति उपेन्द्र कार्कीले पुष्टि गरेका छन्।
