- आइतवार, कार्तिक २३, २०८३ / Sunday, Nov, 08 ,2026
लक्षण नभएका कोरोना संक्रमितलाई १४ दिनमा अनिवार्य डिस्चार्ज गर्न स्वास्थ्य मन्त्रालयले देशभरका कोभिड अस्पताललाई निर्देशन दिएको छ ।
मन्त्रालय अन्तर्गतको स्वास्थ्य आपतकालीन कार्य सञ्चालन केन्द्रले देशभरका कोभिड अस्पताललाई पत्रचार गर्दै लक्षण नभएका संक्रमितलाई संक्रमण पुष्टि भएको १० दिनमा पीसीआर परीक्षण गरी डिस्चार्ज गर्न निर्देशन दिएको हो ।
यदि १० दिनमा गरिएको परीक्षणमा पोजेटिभ नै देखिए पनि १४ दिनमा परीक्षण नगरेर अनिवार्य डिस्चार्ज गर्न केन्द्रले निर्देशन दिएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
साउन २९ गतेको पत्रअनुसार १० दिनमा पोजेटिभ आएको भए पनि १४ दिनमा भने पीसीआर परीक्षण नगरेरै पठाउनुपर्ने निर्देशन दिएको थियो।
