- सोमवार, कार्तिक २४, २०८३ / Monday, Nov, 09 ,2026
अनामनगरमा एक महिलाको हत्या भएको छ ।
बर्दिया बाँसगढी नगरपालिका-९ घर भई काठमाडौं महानगरपालिका-२९ अनामनगरमा बस्ने ३३ वर्षीया पार्वती खड्काको छुरा प्रहार गरी हत्या भएको प्रहरीले जनाएको छ ।
हत्याको अभियोगमा ३६ वर्षीय श्रीमान अजय विक पक्राउ परेका छन् । आफ्नै श्रीमतीलाई छुरा प्रहार गरी हत्या गरेको अभियोगमा अजयलाई महानगरीय प्रहरी वृत्त सिंहदरबारबाट खटिएको टोलीले पक्राउ गरेको प्रहरीले जनाएको छ ।
घरायसी विवादमा बिकले पार्वतीलाई छुरा प्रहार गर्दा गम्भीर घाइते भएको भन्ने खबर प्राप्त हुनासाथ सिंहदरबार वृत्तको टोली घटनास्थल पुगेको थियो । घाइते पार्वतीको बानेश्वरस्थित सिभिल अस्पतालमा उपचारको क्रममा मृत्यु भएको प्रहरीले जनाएको छ ।
