- मङ्लबार, कार्तिक १८, २०८३ / Tuesday, Nov, 03 ,2026
पछिल्लो २४ घन्टामा कोरोना भाइरस संक्रमणबाट थप ११ जनाको मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ ।
मन्त्रालयले मंगलबार आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले मृतकमा ४ जना महिला र ७ जना पुरुष रहेको बताए ।
मृतक महिलामा सिराहाकी ३५ वर्षीया, बाराकी ५५ वर्षीया, काठमाडौँकी ८६ वर्षीया, रुपन्देहीकी ६४ वर्षीया रहेका छन् ।
त्यसैगरी पुरुषमा सर्लाहीका ६४ वर्षीय, बाराका ५५ वर्षीय र काठमाडौँका ३४ वर्षीय, ९६ वर्षीय, ६६ वर्षीय, ६१ वर्षीय र कपिलवस्तुका ५८ वर्षीय रहेका छन् । योसँगै कोरोना संक्रमणबाट नेपालमा मृत्यु हुनेको संख्या ३७१ पुगेको छ ।
