- बुधबार, कार्तिक १९, २०८३ / Wednesday, Nov, 04 ,2026
प्रमुख प्रतिपक्षी दल नेपाली कांग्रेसका महामन्त्री डा. शशांक कोइरालाले आफू दुई तीन दिन अस्पतालको आइसोलेसनमा बसेर केही दिनमै निको हुने सन्देश पठाएका छन् ।
आफ्नो स्वास्थ्यबारे जानकारी सामाजिक सञ्जालमार्फत दिँदै महामन्त्री डा. कोइरालाले कोरोना भाइरस संक्रमणले प्रभावित भएसँगै ओम अस्पतालको आइसोलेसनमा रहेको र आफ्नो स्वास्थ समान्य भएकाले चिन्ता नलिन नेता कार्यकर्ता र शुभचिन्तकसँग अपिल गरेका छन् ।
‘म कोभिड-१९ बाट प्रभावित भएको व्यक्ति ओमको आइसोलेसनमा छु तपाईहरुले चिन्ता गर्नु पर्दैन अझै दुई तीन दिन बसेर डिस्चार्ज हुन्छु,’ डा. कोइरालाले भनेका छन् ।
कोभिड संक्रमणपछि घरमै आइसोलेसनमा रहेका डा. कोइरालालाई ज्वरो आएपछि मंगलबार राति ओम अस्पताल भर्ना गरिएको थियो ।
