- बुधबार, कार्तिक १९, २०८३ / Wednesday, Nov, 04 ,2026
नेपाली सेनामा कार्यरत एक सैनिकको कोराना संक्रमणको कारण मृत्यु भएको छ ।
काठमाडौँमा सेवारत रामेछाप घर भएका ती ३४ वर्षीय सैनिकको गत भदौ २९ गते मृत्यु भएको सैनिक जनसम्पर्क तथा सूचना निर्देशनालयले जनाएको छ । निर्देशनालयका अनुसार मृतक सैनिकको यही असोज १ गते कोरोना परीक्षणको नतिजा आएको थियो ।
यसैबीच नेपाली सेनामा हालसम्म दुई हजार ५६ जनामा कोरोना संक्रमण पुष्टि भएको छ । तीमध्ये ४०१ जनालाई निको भइसकेका छन् भने एक हजार ६५४ सक्रिय संक्रमित भएको सेनाका प्रवक्ता सन्तोषवल्लभ पौडेलले जानकारी दिए ।
