- बिहिबार, भदौ ४, २०८३ / Thursday, Aug, 20 ,2026
सोमबार गण्डकी प्रदेशका थप १८ जनामा कोरोना पुष्टि भएको छ ।
संक्रमितमध्ये तनहुँका आठ जना, नवलपुरका सात जना, गोरखा र लमजुङका एक/एक जना र स्याङजाका एक जना रहेका छन् ।
गण्डकी प्रदेश स्वास्थ्य निर्देशनालय पोखराका अनुसार सोमबार थपिएका संक्रमितसहित गण्डकी प्रदेशमा कोरोना संक्रमितको संख्या तीन हजार सात सय ९५ पुगेको छ । संक्रमितमध्ये हालसम्म दुई हजार ६ सय ८९ जना निको भएका छन् ।
साथै सक्रिय संक्रमितको संख्या एक हजार ७६ जना रहेका छ । प्रदेशमा अहिलेसम्म कोरोना संक्रमणकै कारण ३३ जनाको मृत्यु भइसकेको छ ।
