- बिहिबार, भदौ ४, २०८३ / Thursday, Aug, 20 ,2026
बुटवल र सुनसरीमा कोरोना भाइरस संक्रमणवाट एक–एक जनाको मृत्यु भएको छ ।
बुटवलस्थित कोरोना विशेष अस्पतालमा उपचारका क्रममा ८० वर्षीय संक्रमित पुरुषको गएराति मृत्यु भएको हो ।
मृतक बुटवल उपमहानगरपालिका आठ, सुख्खानगरका बासिन्दा हुन् । मृतक पुरुषमा १२ गते संक्रमण पुष्टि भएको थियो । योसँगै अस्पतालमा मृत्यु हुनेको संख्या २१ पुगेको छ ।
त्यस्तै बीपी कोइराला स्वास्थ्य विज्ञान प्रतिष्ठान धरानमा थप एक कोरोना संक्रमितको मृत्यु भएको छ ।
मृत्यु हुनेमा सुनसरीको इटहरी उपमहानगरपालिका ६ का ५६ वर्षीय पुरुष रहेका छन् । उनलाई बुधबार साँझ मात्रै अस्पताल भर्ना भएका थिए ।
