- बुधबार, कार्तिक १९, २०८३ / Wednesday, Nov, 04 ,2026
नेपालमा कोरोना भाइरस (कोभिड–१९) संक्रमितको संख्या चीनको भन्दा बढी भएको छ ।
पछिल्लो २४ घण्टामा २२ सय ५३ जनामा संक्रमण पुष्टि भएसँगै संक्रमित संख्यामा नेपालले चीनलाई उछिनेको हो ।
वर्ल्डओमिटरको तथ्यांकअनुसार चीनमा आज (आइतबार) दिउँसोसम्ममा कोरोना संक्रमितको कुल संख्या ८५ हजार ४५० छ । नेपालमा भने संक्रमित संख्या ८६ हजार ८२३ पुगेको छ ।
मृत्युको मामलामा भने नेपाल निकै पछि छ । चीनमा हालसम्म ४ हजार ६३४ जनाको मृत्यु भएकोमा नेपालमा मृतकको संख्या ५३५ पुगेको छ ।
गएको डिसेम्बर अन्तिम साता चीनको वुहानमा पहिलो पटक कोरोना भाइरस संक्रमण देखा परेको थियो ।
नेपालमा पहिलो पटक गएको माघ ९ गते चीनको वुहानबाट आएका एक जना नेपालीमा कोरोना संक्रमण देखिएको थियो ।
