- बुधबार, कार्तिक १९, २०८३ / Wednesday, Nov, 04 ,2026
नेपालमा थप ४०४७ जनामा कोरोना भाइरसको संक्रमण पुष्टि भएको छ ।
सोमबार विभिन्न प्रयोगशालामा गरिएको परीक्षणमा देशभर थप ४०४७ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।
योसँगै नेपालमा कोरोना संक्रमितको संख्या १ लाख ११ हजार ८०२ पुगेको छ ।
प्रवक्ता गौतमका अनुसार सोमबार कोरोनालाई जितेर १४७३ जना अस्पतालबाट डिस्चार्ज भएका छन् । योसँगै ७७ हजार २७७ जना कोरोना संक्रमित निको भएर घर फर्किएका छन् ।
हालसम्म कोरोना संक्रमणबाट ६४५ जनाको मृत्यु भएको छ ।
