- बुधबार, कार्तिक १९, २०८३ / Wednesday, Nov, 04 ,2026
नेकपा स्थायी कमिटी सदस्य जनार्दन शर्माले सांसदलाई दशैं भत्ता दिनुभन्दा भेन्टिलेटर किन्न प्रस्ताव गरेका छन् ।
आइतबार सामाजिक सञ्जाल ट्वीटरमा सन्देश लेख्दै शर्माले कोरोना महामारीको समयमा सांसदलाई भत्ता दिनुभन्दा भेन्टिलेटर किन्नुपर्ने बताएका हुन् ।
उनले आफ्नो खातामा आएको रकम कालिकोटका पूर्व लडाकुलाई दिने बताएका छन् । शर्माले कोरोना महामारीको यस्तो सङ्कटमा सांसदलाई दिने दशैँ भत्ताको रकमले भेन्टिलेटर किन्न पनि आग्रह गरेका छन् ।
कोरोनाको महामारी हाम्रो मुख्य समस्या हो । यस्तो बेला दशैं भत्ता सांसदलाई दिनु भन्दा भेन्टिलेटर किनाैं । दशैं भत्ता स्वरुप आएको रकम कालिकोटका पुर्ब जनमुक्ति सेनाका योद्धा नरेन्द्र बोहरालाई भेन्टिलेटरमा राखी उपचार गर्नु परेकोले उहाँलाई हस्तान्तरण गर्दछु ।।
— Janardan Sharma (@JSPrabhakar) October 18, 2020
नेकपाका अर्का स्थायी कमिटी सदस्य भीम रावलले पनि सांसद भत्ता फिर्ता लैजान भनेका छन् ।
