- बिहिबार, भदौ ४, २०८३ / Thursday, Aug, 20 ,2026
नेपाल भारत सीमा क्षेत्रमा हत्या गरिएको अवस्थामा फेला परेका प्रहरी सहायक निरीक्षक असई गोविन्द विकको शव आफन्तले बुझेका छैनन् ।
कैलालीको धनगढी उपमहानगरपालिका-२ को अस्थायी प्रहरी बिट जुगेडामा इन्चार्जको रुपमा कार्यरत विकको धारिलो हतियार प्रयोग गरी मोहना नदीमा फालेको अवस्थामा आइतबार बिहान शव फेला परेको थियो ।
ड्युटीकै क्रममा हत्या गरिएका विकका आफन्तले घटनाबारे सत्यतथ्य पत्ता नलागेसम्म शव नबुझ्ने अडान राखेका छन् । विकको शव सेती प्रादेशिक अस्पतालमा राखिएको छ ।
त्यस्तै ड्युटीकै क्रममा बेपत्ता भएका प्रहरी जवान रामसिंह साउद भने अझै बेपत्ता छन् । साउदको एउटा जुत्ता र फुटेको अवस्थामा मोबाइल फेला परे पनि अवस्था पत्ता लाग्न सकेको छैन । उनको खोजी भइरहेको जिल्ला प्रहरी कार्यालय कैलाली जनाएको छ ।
