- बिहिबार, भदौ ४, २०८३ / Thursday, Aug, 20 ,2026
सत्तारूढ नेपाल कम्युनिष्ट पार्टी (नेकपा)का वरिष्ठ नेता माधव कुमार नेपालले प्रधानमन्त्री तथा पार्टी अध्यक्ष केपी शर्मा ओलीलाई भेट्न बालुवाटार पुगेका छन् ।
पार्टीभित्र विवाद चर्किरहेको बेलामा नेता नेपाललगायतका चार नेता ओलीसँग वार्ता गर्न आज बालुवाटार पुगेका हुन् ।
नेकपानिकट एक नेताले दिएको जानकारी अनुसार प्रधानमन्त्री ओलीलाई भेट्न नेता नेपाल, स्थायी कमिटी सदस्यहरु डा.भीम रावल, सुरेन्द्र पाण्डे र रघुजी पन्त बालुवाटार पुगेका छन् ।
हिजो मात्रै अध्यक्ष पुष्पकमल दाहाल ‘प्रचण्ड’ सहित वरिष्ठ नेताहरु झलनाथ खनाल, माधव नेपाल, वामदेव गौतम र नारायणकाजी श्रेष्ठले अध्यक्ष ओलीसँग भेटवार्ता गरेर पार्टीको बैठक बोलाउन लिखित रुपमै आग्रह गरेका थिए ।
