- बिहिबार, भदौ ४, २०८३ / Thursday, Aug, 20 ,2026
दाङमा ट्रकको ठक्करबाट एक महिलाको मृत्यु भएको छ ।
पूर्व-पश्चिम राजमार्गअन्तर्गत लमही नगरपालिका-१ नर्तीमा ना ६ ख ४६७ नम्बरको ट्रकको ठक्करबाट आइतबार बिहान अन्दाजी ४० वर्षीया ती महिलाको मृत्यु भएको हो ।
बिहान ६ बजेतिर विराटनगरबाट महेन्द्रनगरतर्फ जाँदै गरेको ट्रकले ठक्कर दिएपछि गम्भीर घाइते भएकी महिलालाई लमही अस्पताल पुर्याएलगत्तै चिकित्सकले मृत घोषणा गरेका थिए।
ठक्कर दिएर भागेको ट्रकलाई प्रहरीले लमही ९ रिहारबाट नियन्त्रणमा लिएको छ ।
अहिलेसम्म मृतकको पहिचान खुल्न नसकेको प्रहरीले जनाएको छ । उनको शव पोष्टमार्टमका लागि अस्पतालमा राखिएको छ।
