- बिहिबार, भदौ ४, २०८३ / Thursday, Aug, 20 ,2026
रक्सी सेवन गरेका व्यक्तिले सोमबार राति रौतहटमा छिमेकीलाई धकेल्दा एकजना मृत्यु भएको छ ।
वृन्दावन नगरपालिका–७ सखुवा धमौरा बस्ने १९ वर्षका विकास पासवानले रक्सी सेवन गरेर कुटपिट गरि धकेल्दा छिमेकी ५० वर्षका अमिरि पासवानको मृत्यु भएको प्रहरीले जनाएको छ ।
राति रक्सी सेवन गरेर घर जाने क्रममा विकासले अमिरिलाई गालीगलौज गर्दा झगडा भएको थियो । झगडाको क्रममा विकासले कुटपिट गरि धकेल्दा अमिरिको टाउकोमा चोट लागेको थियो ।
उनको उपचारको क्रममा राति सवा ८ बजे गरुडा स्थित सिटी अस्पतालमा मृत्यु भएको रौतहटका प्रहरी प्रवक्ता डिएसपी भरत श्रेष्ठले जानकारी दिए ।
कुटपिटमा संलग्न विकास पासवान र बिन्द पासवानलाई प्रहरीले पक्राउ गरेको छ । शव पोष्टमार्टमका लागि गौर अस्पतालमा पठाइएको र घटनाको थप अनुसन्धान भइ रहेको डिएसपी श्रेष्ठले बताए ।
