नेपालको लागि गौरवको कुरा : न्यू योर्कको पाठ्यक्रममै सच्चाइयो वुद्ध जन्मस्थल भारत हैन, नेपाल हो

नेपाल यस्तो देश हो, जहाँ विश्वलाइ नै शान्ति, सद्भाव, अहिंसाका मार्गदर्शक वृद्धत्व प्राप्त गौतम वुद्धको जन्म भयो । वुद्ध धर्मका प्रवर्दक, मेलमिलाप, अहिंसाका धरोहर गौतम वुद्धको जन्मस्थल भएका कारण नेपाल विश्व सामु चिनिएको छ । वुद्धको जन्म नेपालमा भएको शास्वत सत्य जस्तै यथेष्ट प्रमाण हुँदाहुँदै पनि छिमेकी राष्ट्र भारतले अन्तर्राष्ट्रिय स्तरमा वुद्धको जन्मस्थल नेपाल की भारत ? भन्ने केही जबरजस्त भ्रम सृजना गराएको छ । जसको जलवन्त उदाहरण संयुक्त राज्य अमेरिका लगाएतका केही देशको पाठ्यक्रममै वुद्धको जन्म भारतमा भएको उल्लेख गरिएको छ ।

संयुक्त राज्य अमेरिका, न्यू योर्क राज्यको शिक्षा विभाग अन्तर्गत कक्षा ६ र ९ को सामाजिक शिक्षा र कला तथा प्रविधि विषय त्यस्तै कक्षा ११ र १२ को विश्वव्यापी इतिहास विषयमा भगवान गौतम बुद्ध भारतमा जन्मिएको “Gautama Buddha was born in India” भनि गलत अध्यापन, अध्ययन गर्दै आइएको थियो । यद्यपी विगत एक दशकदेखि अमेरिकाको न्यू योर्कमा बसोबास गर्दै आएका समाजसेवी तथा क्वीन्स कम्यूनिटी वोर्ड ५ का सदस्य ज्ञानल थापाको पहलमा न्यू योर्क सहर शिक्षा विभागले वुद्धको जन्म नेपालमा भएको “Siddhartha Gautama, who became the Buddha, was born in Lumbini in present-day Nepal, located in South Asia”भनी पाठ्यक्रममै त्रुटि सच्याउने निर्णय गरेको छ ।

यो निर्णय अमेरिकाको सम्पूर्ण राज्यहरुमा कार्यन्वयनको प्रक्रियामा रहेको थापाले जानकारी दिए । यो कार्यमा सहयोग गर्ने सम्पूर्ण सरोकारवालालाई धन्यवाद दिदै आगामी दिनमा पनि नेपाल र नेपालीको हितको लागि नियमसंगत कार्य गर्न कुनै कसर बाकी नराख्ने थापाले बताए ।

शैक्षिक क्षेत्र जस्तो संवेदनशील क्षेत्रमा यस्तो ठुलो त्रुटी हुँदा नेपालको स्वाधीनतामै आँच पुग्ने भएकाले नेपाल सरकारको अग्रसरता सबै देशमा यस्तो त्रुटी सच्चिाउनु पर्ने कुटनीतिज्ञहरुको भनाई छ । केही व्यक्तिको निरन्तरको पहल र अग्रसरतामा भए पनि त्रुटी सच्चिनु राष्ट्रकै लागि गौरबको कुरा भएको शिक्षा, विज्ञान तथा प्रविधि मन्त्रालयका प्रवक्ता दिपक शर्माले बताए ।

विविद कारणले अमेरिकामा बस्दै आएका नेपालको राष्ट्रीय स्वाभिमान, स्वाधीनता, पहिचान, दिगो विकास र संवृद्धिको लागि आफु र आफुजस्तै प्रवासीको मन सधै नेपालको चिन्तनमा वित्ने गरेको थापाले बताए ।

त्यस्तै थापाकै पहलमा अमेरिकाको न्यू योर्क मेयर कार्यालयबाट प्रकाशन तथा प्रशारण हुने सूचना तथा जानकारीहरु नेपाली भाषामा पनि निकालिने भएको छ । ८ वटा अन्तर्राष्ट्रिय भाषामा प्रकाशन तथा प्रशारण गरिने सूचना तथा जानकारीहरु हाल नेपाली भाषा पनि थप गरि २२ नोभेम्बर २०२० देखि ९ ओटा अन्तर्राष्ट्रिय भाषामा निकालिएको छ ।