- मङ्लबार, कार्तिक २५, २०८३ / Tuesday, Nov, 10 ,2026
देशका चार प्रदेशको मौसम बद्लिनुका साथै केहि स्थानमा हल्का वर्षाको सम्भावना देखिएको छ ।
जल तथा मौसम पूर्वानुमान महाशाखाका अनुसार आज लुम्बिनी, गण्डकी, बाग्मती र प्रदेश १ को पहाडी भू–भागमा आंशिकदेखि सामान्य बदली रहनेछ। प्रदेश नं १ का पहाडी भू–भागका एक दुई स्थानमा छिटपुट देखि हल्का वर्षाको सम्भावना छ ।
महाशाखाबाट जारी बुलेटिनमा उल्लेखनीय मौसमी प्रणालीको प्रभाव नभएकाले केहि पहाडी भूभागबाहेक अन्यत्रको मौसम सामान्यतया सफा रहने छ ।
देशका धेरै स्थानहरुको वायुको तापक्रममा गिरावट आउनुको साथै तराई भु–भागमा बिहानीपख वायुको पारदर्शितामा कमी भई सडक तथा हवाई यातायात प्रभावित हुन सक्ने सम्भावना रहेको मौसम पूर्वानुमान महाशाखाले जनाएको छ ।
वर्षा हुने क्षेत्रमा थप चिसो बढ्ने भएकाले सतर्क हुन पनि महाशाखो अपिल गरेको छ ।
काठमाडौं उपत्यकाको न्यूनतम तापक्रम ६.५ डिग्री सेल्सियस छ भने जुम्लाको १.९ डिग्री सेल्सियसमा झरेको छ । चिसो क्रमशः बढ्ने क्रममा रहेको मौसमविद्हरुले बताएका छन् ।
