- बिहिबार, भदौ ४, २०८३ / Thursday, Aug, 20 ,2026
नेकपा अध्यक्ष पुष्पकमल दाहालकी पत्नी सीता दाहाललाई थप उपचारका लागि आज भारतको मुम्बई लगिंदैछ ।
हिजो पेरिसडाँडामा भएको दाहाल–नेपाल समूहको स्थायी कमिटी बैठकमा दाहालले पत्नी सीताको उपचारका निम्ति आफू आज मुम्बई जान लागेको जानकारी गराएका हुन् ।
विगत केही दिनयता स्वास्थ्यमा समस्या बढेपछि सीतालाई थप उपचारका लागि आज भारत लैजान लागिएको उनको पारिवारिक श्रोतले जानकारी दिएको छ । वंशानुगत पार्किन्सन रोगबाट पीडित सीताको स्वास्थ्यमा केही साता यता थप जटिलता देखिएको छ ।
उनको अहिले मेडीसिटी अस्पतालमा भर्ना गरेर उपचार भईरहेको छ । यसअघि पनि भारत, अमेरिका र सिंगापुरमा उनको उपचार गरिएको थियो ।
