- बिहिबार, भदौ ४, २०८३ / Thursday, Aug, 20 ,2026
सुनको भाउ आज एकैदिन तोलामा दुई हजार तीन सय रुपैयाँ घटेको छ ।
गएको शुक्रबार तोलाको ९५ हजार तीन सय रुपैयाँमा कारोबार भएको सुनको भाउ आज तोलाको ९३ हजार रुपैयाँ तोकिएको हो ।
नेपाली बजारमा आज छापावाल सुनको भाउ प्रतितोला ९३ हजार रुपैयाँमा कारोबार भएको नेपाल सुनचाँदी व्यवसायी महासङ्घले जनाएको छ ।
आज तेजावी सुनको भाउ ९२ हजार ५ सय रुपैयाँमा कारोबार भएको छ । यस्तै चाँदी पनि तोलामा ६० रुपैयाँ घटेर एक हजार दुई सय ७० रुपैयाँमा कारोबार भइरहेको छ ।
अन्तर्राष्ट्रिय बजारमै सुनको भाउ घटबढ भइरहेकाले नेपाली बजारमा पनि भाउ अस्थिर भएको महासङ्घले जनाएको छ । आज छापावाल सुनको भाउ प्रतितोला ९३ हजार रुपैयाँमा कारोबार भएको हो ।
