- बिहिबार, भदौ ४, २०८३ / Thursday, Aug, 20 ,2026
पूर्व प्रधानमन्त्री एवं नेपाल कम्युनिष्ट पार्टी (नेकपा) दाहाल–नेपाल समूहका वरिष्ठ नेता झलनाथ खनालले प्रधानमन्त्री केपी शर्मा ओलीसँग पार्टी फुटाउनका लागि चाहिने संख्या पनि नभएको बताएका छन् ।
दाहाल–नेपाल पक्षले शुक्रबार विराटनगरमा संसद विघटनविरुद्ध आयोजना गरेको विरोध सभामा सम्बोधन गर्दै खनालले यस्तो बताएका हुन् ।
पार्टी फुटाउनका लागि केन्द्रीय कमिटीमा कम्तिमा ४० प्रतिशत मत चाहिने भएपनि ओलीसँग त्यो संख्या नै नभएको खनालले बताए । ४० प्रतिशत नभएका ओलीले आफूलाई आधिकारिक दावी गर्न नमिल्ने नेता खनालको भनाइ छ।
उनले भने, ‘नेकपा एमाले इतिहास भइसक्यो । अब माओवादी पनि इतिहास भइसक्यो। प्रचण्ड अब माओवादीका नेता होइनन् । आजको यथार्थ नेकपा हो ।’ ओली समूह गाउँगाउँ पुगेर नेकपा एमाले ब्यूँताउन खोजेको भन्दै नेता खनालले एमाले अब इतिहास भइसकेको बताए ।
