- बिहिबार, भदौ ४, २०८३ / Thursday, Aug, 20 ,2026
धरानको भानुचोकमा मजदुर र प्रदर्शनकारीबीच झडप भएको छ ।
प्रदर्शनकारीले जबरजस्ती टेम्पो रोकेर टायर बाल्न खोजेपछि झडप भएको हो ।
बन्दकर्ताले रोकिराखेको टेम्पोमा लाती हानेपछि विवाद शुरु भएको हो । प्रदर्शनकारी टायर बाल्न खोजेपछि मजदुरले प्रतिकार गरेका थिए ।
प्रहरीका अनुसार सामान्य झडपमा दुवै पक्षका केही घाइते भएका छन् । घाइतेको स्थिति सामान्य छ ।
संवैधानिक परिषद्को नियुक्तिमा असहमति जनाउँदै नेकपाको प्रचण्ड–माधव नेपाल पक्षले आज नेपाल बन्दको आह्वान गरेको हो ।
