- बुधबार, कार्तिक २६, २०८३ / Wednesday, Nov, 11 ,2026
सिरहा सदरमुकामबाट दुई दिनअघि अपहरणमा परेका दुई वर्षीय बालकको प्रहरीले सकुशल उद्धार गरेको छ ।
बिहीबार राति प्रहरीले दुई वर्षीय बालक प्रियन्सु यादवलाई भारतबाट सकुशल उद्धार गरेको हो ।
अपहरणमुक्त हुनेमा सिरहा नगरपालिका १ रामजानकी चौकमा घर रहेका प्रदीप यादवको २ वर्षिय छोरा इशान्त भन्ने प्रियान्सु यादव रहेका छन । बालकलाई नेपाल-भारत सिमापारिबाट उद्दार गरिएको प्रहरीले जनाएको छ ।
बालकलाई नेपालबाट करिब सात किलोमिटर टाढा भारतको खारजेडी ठाउँमा राखिएको थियो । बालकलाई अपहरणमुक्त गरिए पनि अपहरणकारी भने समातिएका छैनन् ।
बालकलाई के कारण अपहरण गरिएको थियो भन्नेबारे अनुसन्धान भइरहेको प्रहरीले जनाएको छ ।
मंगलबार साँझ आफ्नै घरको आगनमा खेल्दै गरेको २ वर्षिय बालकलाई डुलाउने भनेर अपहरणकारीले अपहरण गरेको थियो । उनका बुवा प्रदीप वैदेशिक रोजगारीमा छन् ।
