- बुधबार, कार्तिक २६, २०८३ / Wednesday, Nov, 11 ,2026
नेपालमा सवारी साधन चलाउन नयाँ चालक अनुमतिपत्र अर्थात लाइसेन्सका लागि आवेदन दिनेको संख्या पाँच लाख नाघेको छ ।
देशभरका यातायात व्यवस्था कार्यालयमार्फत परीक्षामा सहभागी हुनका लागि सेवाग्राहीले फारम भरिरहेका छन् ।
गत वर्ष चैतदेखि कोभिड–१९ का कारण सरकारले नयाँ चालक अनुमतिपत्रका लागि आवेदन लिन स्थगित गरेको थियो ।
झण्डै १० महिनासम्म अनुमतिपत्र बन्द भएर अहिले खुलेकाले चाप बढी भएको विभागले जनाएको छ । सेवाग्राहीले हप्ताको सातै दिन २४ घण्टा नै अनलाइनमार्फत फारम भर्न सक्ने गरी व्यवस्था मिलाइएको छ ।
लकडाउनले बन्द यातायात कार्यालयहरु गत असारदेखि नैं खुले पनि नयाँ चालक अनुमतिपत्र सेवा अवरुद्ध थियो । कार्यालयले चालक अनुमतिपत्र वितरण र नवीकरण जारी राखे पनि कार्यालयमा भीड हुने भन्दै नयाँ अनुमतिपत्र सेवा भने रोकेको थियो ।
प्रदेश सरकारअन्तर्गत रहेका कार्यालय र संघीय सरकारअन्तर्गतको विभागबीचको समन्वयमा गत पुसदेखि नयाँ अनुमतिपत्रको आवेदन खुलाइएको हो ।
