- बिहिबार, भदौ ४, २०८३ / Thursday, Aug, 20 ,2026
ललितपुरको जावलाखेल चोकमा ट्राफिकले चेकिङको लागि रोक्ने क्रममा स्कुटरबाट लडेकी महिलालाई बसले ठक्कर दिँदा सोमबार दिउँसो मृत्यु भएको छ ।
अन्दाजी ३३/३४ उमेरको देखिने मृतक महिलाको सनाखत हुन सकेको छैन । सोमबार दिउँसो मृतक सवार स्कुटर नम्बर प्र ३ ९ ०२९०१० प ५५८९ को स्कुटर भैंसेपाटीतर्फ जाँदै थियो ।
महानगरीय प्रहरी परिसर ललितपुरका प्रवक्ता तथा प्रहरी उपरीक्षक (एसपी) प्रज्वल महर्जनले स्कुटरको नम्बर यातायात व्यवस्था विभागमा पठाएर कसको नाममा स्कुटर दर्ता भएको र मृतक को हुन् भन्ने जानकारी लिन लागिएको बताए ।
घटनाको प्रत्यक्षदर्शीहरूका अनुसार ट्राफिक प्रहरीले तान्दा स्कुटरबाट महिला लड्न पुगेको र पछाडिबाट तीब्र गतिमा सवार बसले ठक्कर दिन हो । घटनाबारे सत्य तथ्य बुझ्न ५ जना प्रत्यक्षदर्शीहरूलाई समेत महागरीय प्ररही परिसरमा बोलाएको एसपी महर्जनले बताए ।
ठक्कर दिने बस बा २ ख ३५७४ नम्बरको हो । घटनापछि प्रहरीले बस चालकलाई भने नियन्त्रणमा लिएको छ ।
घटनाबारे थप अनुसन्धान भइरहेको एसपी महर्जनले बताए ।
