- बिहिबार, भदौ ४, २०८३ / Thursday, Aug, 20 ,2026
पेट्रोलियम पदार्थको मुल्य बढाएको विरोधमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले प्रदर्शन गरेको छ ।
आइतबार नेपाल आयल निगमले एक विज्ञप्ती जारी गर्दै पेट्रोल, डिजेल र मट्टितेलको मूल्य बढाएको थियो ।
अनेरास्ववियुले आज बबरमहलस्थित आयल निगम परिसरमा पेट्रोलियम पदार्थमा भएको मूल्यवृद्धिको विरोधमा प्रदर्शन गरेको हो । अनेरास्ववियुले मूल्यवृद्धि तत्काल फिर्ता गर लगायतका प्लेकार्ड बोकेर प्रदर्शन गरेको हो । निगमले आइतबार राति १२ बजेबाट लागू हुने गरी पेट्रोल, डिजेल र मट्टितेल लिटरमा दुई दुई रुपैयाँ बढाएको हो ।
अब पेट्रोल लिटरको १ सय २० रुपैयाँ र डिजेल, मट्टितेल लिटरको १०३ रुपैयाँ कायम भएको छ । खाना पकाउने एलपी ग्याँसको मूल्य भने यथावत रहेको छ ।
