- बिहिबार, भदौ ४, २०८३ / Thursday, Aug, 20 ,2026
भोली (सोमबार) का लागि बोलाइएको कांग्रेस केन्द्रीय कार्य समिति बैठक मंगलबारका लागि सरेको छ ।
कोरोना भाइरसको दोस्रो लहरको जोखिम बढेको भन्दै बैठक एक दिनका लागि सारिएको हो ।
भोलि केन्द्रीय कार्यसमितिका सबै सदस्यहरुको पीसीआर परीक्षण गर्ने र मंगलबार बैठक बस्ने सहमति भएको नेता अर्जुननरसिंह केसीले जानकारी दिए ।
उनका अनुसार सबै सााथीहरुको परिक्षण गर्ने र मंगलबार बैठक बस्ने टुंगो लागेको छ ।
कांग्रेसले आगामी १४ औँ महाधिवेशन, समसामयिक राजनीति तथा राष्ट्रियसभाको आगामी उप निर्वाचनलगायतका विषयमा छलफल गर्न केन्द्रीय कार्य समिति बैठक बोलाएको हो ।
