- बिहिबार, भदौ ४, २०८३ / Thursday, Aug, 20 ,2026
काठमाडौँको बुढानिलकण्ठमा रेमिट संचालन गरेकी २० वर्षीया युवतीलाई चक्कु प्रहार गरी लुटपाट गर्ने पक्राउ परेका छन् ।
बुढानिलकण्ठ नगरपालिका स्थित बालुवाखानी कपनमा महामारीको यो अवस्थामा पनि सेवाग्राहीलाई सेवा दिइरहेकी युवती माथि चक्कु प्रहार गरि नगद १ लाख ४ हजार ९ सय ४० रुपैयाँ लुटपाट गरेको प्रहरीले जनाएको छ । लुटपाटमा संलग्न रहेको आरोपमा कञ्चनपुर घर भइ काठमाडौँ भंगाल बस्ने ३६ वर्षीय सन्तोष बिष्ट पक्राउ परेका छन् ।
चक्कु प्रहारबाट घाइते भएकी युवतीलाई भंगालकै करुणा अस्पतालमा उपचार गरिएको थियो । अहिले उनको अवस्था सामान्य रहेको छ ।
घटनाबारे थप अनुसन्धान भैरहेको प्रहरीले जनाएको छ ।
