- आइतवार, कार्तिक २३, २०८३ / Sunday, Nov, 08 ,2026
चीनले नेपाललाई तत्काल १० लाख डोज खोप दिने घोषणा गरेको छ ।
राष्ट्रपति विद्यादेवी भण्डारीले बुधवार कोरोना महामारीसँग नेपाल जुधिरहेको भन्दै खोप उपलब्ध गराउन भारत र चीनका समकक्षलाई लिखित र मौखिक आग्रह गरेकी थिइन् । त्यसक्रममा राष्ट्रपति भण्डारी र चिनियाँ समकक्षी सी जिङपिङबीच करीव पौने एक घण्टा टेलिफोन संवाद भएको थियो ।
संवादमा राष्ट्रपति भण्डारीले कोभिड-१९ विरुद्धको खोप उपलब्ध गराउन चिनियाँ राष्ट्रपतिलाई विशेष आग्रह गरेकी थिईन् । दुई राष्ट्रपतिबीच संवाद भए लगत्तै चीनले नेपाललाई तत्काल १० लाख डोज खोप दिने घोषणा गरेको हो ।
सिनोफार्मले उत्पादन गरेको भेरोसेल खोप चीनले उपलब्ध गराउने जनाएको हो । चिनले यसअघि पनि नेपाललाई ८ लाख डोज खोप उपलब्ध गराइसकेको छ ।
यस्तै, राष्ट्रपति भण्डारीले कोभिड-१९ विरुद्धको खोप उपलब्ध गराउन भारतीय समकक्षी रामनाथ कोविन्दलाई पनि विशेष आग्रह गरेकी छन् । भारतले यसअघि १० लाख डोज खोप सहयोग गरेको थियो ।
