- बिहिबार, भदौ ४, २०८३ / Thursday, Aug, 20 ,2026
अर्थमन्त्री विष्णु पौडेलले आगामी आर्थिक वर्ष २०७८/७९ को बजेट कार्यान्वयन भएरै छाड्ने दृढता व्यक्त गरेका छन् ।
शनिबार जारी बजेटबारे आज (आइतबार) अर्थ मन्त्रालयमा गरिएको पत्रकार सम्मेलनमा बोल्दै अर्थमन्त्री पौडेलले कार्यान्वयन गर्ने योजना, प्रतिबद्धता र संकल्प गरेरै यो बजेट ल्याइएको दाबी गरे ।
‘यो बजेट केवल सुनाउनका लागि होइन, कार्यान्वयन गर्नका लागि, बजेटमा उल्लेख गरिएका लक्ष्य हासिल गर्न ल्याइएको हो भन्ने म विश्वास दिलाउन चाहन्छु,’ उनले भने ।
कोभिड-१९ संक्रमण नियन्त्रण, रोकथाम र उपचारमा केन्द्रित हुनुपर्ने भएकाले त्यससैअनुरूप बजेट आएको उनको भनाइ थियो ।
‘कोभिड-१९ संक्रमण रोकथाम, नियन्त्रण र उपचारका लागि प्रस्तुत गरिएका योजना कार्यक्रम कार्यान्वयन गर्छौं,’ उनले भने । उनले बजेट कार्यान्वयन हुँदैन भनेर कसैलाई शंका नगर्न आग्रह गरे ।
