- बिहिबार, भदौ ४, २०८३ / Thursday, Aug, 20 ,2026
काठमाडौं उपत्यकामा सक्रिय संक्रमितको संख्या करिब ४२ प्रतिशतले घटेको छ ।
जेठ १ मा उपत्यकामा सक्रिय संक्रमितको संख्या सबैभन्दा उच्च अर्थात् ४२ हजार दुई सय ४३ पुगेकोमा १९ जेठमा २४ हजार ६ सय ४६ मा झरेको छ । अर्थात उपत्यकामा सक्रिय संक्रमितको संख्या ४१.६५ प्रतिशत घटेको छ ।
जेठमा १९ मा काठमाडौंमा ९ सय ६९ नयाँ संक्रमित थपिदा सक्रिय संक्रमितको संख्या १४ हजार ८७ मा झरेको छ ।
ललितपुर र भक्तपुरमा पनि सक्रिय संक्रमितको संख्यामा थोरै कमी आएको स्वास्थ्य तथा जनसंख्या मन्त्रालयको तथ्याङक छ । जेठ १ मा ललितपुरमा सक्रिय संक्रमितको संखया ७ हजार १ सय १ थियो भने १९ जेठमा ६ हजार दुई सय ३५ छ । त्यस्तै, भक्तपुर जिल्लामा १ जेठमा ५ हजार रहेको सक्रिय संक्रमितको संख्या १९ जेठमा चार हजार तीन सय २४ छ ।
नयाँ संक्रमितको संख्या घटेको र निको हुनेको संख्या बढेकाले सक्रिय संक्रमितको संख्या घटेको स्वास्थ्य मन्त्रालयका सहायक प्रवक्ता डा. समिर अधिकारीले बताए । संक्रमणको ‘पिक’ ओरालो लाग्दै गएकाले सक्रिय संक्रमितको संख्या घटेको उनले बताए ।
नयाँ संक्रमितको संख्या घट्दै गएपनि संक्रमणदर भने उच्च नै रहेकाले जोखिम कायमै रहेको चिकित्सकले बताएका छन् ।
