- बिहिबार, भदौ ४, २०८३ / Thursday, Aug, 20 ,2026
पूर्वी चितवनको कालिका नगरपालिकामा भएको मोटरसाइकल दुर्घटनामा एक जनाको मृत्यु भएको छ भने एक जना घाइते भएका छन् ।
जिल्ला प्रहरी कार्यालय चितवनका अनुसार उपरदाङ्गगढीबाट शक्तिखोरतर्फ आउँदै गरेको ना ३६ प २१९९ नम्बरको मोटरसाइकल गएराती कालिका–९ सुनखानीमा आफैँ अनियन्त्रित भई दुर्घटना भएको थियो ।
दुर्घटनामा परी इच्छाकामना गाउँपालिका–२ बस्ने ६० वर्षीया हस्तमाया मगरको घटनास्थलमै मृत्यु भएको हो । मोटरसाइकल चालक रत्ननगर नगरपालिका–११ बस्ने ३५ वर्षीय फत्तेबहादुर मगर घाइते भएका छन् । घाइते मगरको दुवै खुट्टा, हात र ढाडमा चोट लागेको छ । उनको चितवन मेडिकल कलेजमा उपचार भइरहेको छ ।
मृतक र घाइते आमा छोरा रहेको प्रहरीले जनाएको छ । मोटरसाइकल सडकबाट ५० मिटर तल खसेको कार्यालयले जनाएको छ ।
