- मङ्लबार, कार्तिक २५, २०८३ / Tuesday, Nov, 10 ,2026
मौसम पूर्वानुमान महाशाखाले विशेष बुलेटिन जारी गर्दै देशका तीन वटा प्रदेशमा भारी बर्षाको सम्भावना रहेको जनाएको छ ।
देशभर फैलिएको मौसम मंगलबारदेखि थप सक्रिय भएको महाशाखाले जनाएको छ ।
महाशाखाका अनुसार हाल भारतको झारखण्डमा रहेको न्यून चापीय क्षेत्र र मनसुन न्यून चापीय रेखाको प्रभावका कारण मनसुन थप सक्रिय भएको छ ।
यसका कारण आज दिउँसो र राति नेपालका धेरै स्थानमा हल्कादेखि मध्यम वर्षाको सम्भावना रहनुका साथै गण्डकी प्रदेश, लुम्बिनी प्रदेश र बागमती प्रदेशको केही भूभागमा भारी वर्षा र थोरै स्थानमा धेरै भारी वर्षा हुने सम्भावना रहेको महाशाखाले जनाएको छ ।
विशेष बुलेटिनमा अगाडि भनिएको छ : गण्डकी प्रदेश, लुम्बिनी प्रदेश र बागमती प्रदेशका पहाडी भेगमा पहिरो तथा गेग्रान बहावको जोखिम, नदीनाला तथा खहरे खोलामा पानीको सतह बढ्न सक्ने तथा यातायात क्षेत्र प्रभावित हुन सक्ने भएकाले आवश्यक सतर्कता अपनाउन हुन अनुरोध छ ।
