- आइतवार, कार्तिक २३, २०८३ / Sunday, Nov, 08 ,2026
जनता समाजवादी पार्टी (जसपा) को उपेन्द्र यादव पक्षले निर्वाचन आयोगमा पुनः आधिकारिकता दावी गर्ने निर्णय गरेको छ ।
बिहीबार बसेको जसपा कार्यकारिणी समिति बैठकले बहुमत सदस्यसहित सशरीर निर्वाचन आयोगमा उपस्थित हुने निर्णय गरेको हो ।
जसपाका दुई अध्यक्ष उपेन्द्र यादव र महन्थ ठाकुरले एकले अर्कालाई कारबाही गर्दै पार्टीबाट निष्काशन गरेको थियो । दुवै पक्षले कारबाहीको पत्र निर्वाचन आयोगलाई पठाएका थिए। तर आयोगले त्यसलाई अस्वीकार गरेको थियो।
आयोगको निर्णयविरुद्ध बाबुराम भट्टराई–उपेन्द्र यादव पक्षले राजनीतिक र कानुनी लडाइँ लड्ने बताएको थियो।
यता, महन्थ ठाकुर पक्षले बिहीबार पार्टीको कुनै औपचारिक कार्यकारिणी समिति बैठक नबसेको दाबी गरेको छ ।
