- आइतवार, कार्तिक २३, २०८३ / Sunday, Nov, 08 ,2026
राष्ट्रिय सभा अध्यक्ष गणेशप्रसाद तिमिल्सिनाले १७ गतेबाट हुने राष्ट्रिय सभाको अधिवेशनका लागि आवश्यक तयारी गर्न निर्देशन दिएका छन् ।
मन्त्रिपरिषद्को सिफारिसमा राष्ट्रपति विद्यादेवी भण्डारीले असार १७ गतेका लागि राष्ट्रिय सभाको अधिवेशन आह्वान गरेकी छन् ।
राष्ट्रपतिबाट अधिवेशन आह्वान भएपछि शुक्रबार बानेश्वरस्थित संसद भवन पुगेर संसद सचिवालयका कर्मचारीलाई आवश्यक तयारी गर्न अध्यक्ष तिमिल्सिनाले निर्देशन दिएका हुन् ।
यसअघि शुक्रबार नै अध्यक्ष तिमिल्सिनाले विपक्षी दल नेपाली कांग्रेस र नेकपा माओवादी केन्द्रका दलका नेता तथा सचेतसँग संसद बैठक बारे परामर्श गरेका थिए ।
