- बिहिबार, भदौ ४, २०८३ / Thursday, Aug, 20 ,2026
स्वास्थ्यमा समस्या देखिएपछि भारतको नयाँ दिल्लीस्थित एपोलो अस्पतालमा उपचार गराइरहेका एमाले वरिष्ठ नेता झलनाथ खनालको सबै उपचार खर्च पार्टीले बेहोर्ने भएको छ ।
प्रधानमन्त्री निवास बालुवाटारमा आज (बुधबार) सम्पन्न एमाले १०औं महाधिवेशन आयोजक कमिटीको बैठकले नेता खनालको सबै उपचार खर्च बेहोर्ने निर्णय गरेको एमाले प्रवक्ता प्रदीप ज्ञवालीले जानकारी दिए ।
बैठकले नेता खनालको स्वास्थ्यलाभको कामना पनि गरेको छ।
महाधिवेशन आयोजक कमिटीको आज अन्तिम बैठक बसेको हो । आजकै बैठकले महाधिवेशन आयोजक कमिटी भंग गरेर साबिकको केन्द्रीय कमिटी ब्युँताएको छ ।
