- बिहिबार, भदौ ४, २०८३ / Thursday, Aug, 20 ,2026
ताप्लेजुङ जिल्लाको सुकेटार विमास्थलमा आजदेखि नियमित नेपाल वायु सेवा निगमले उडान सुरु गरेको छ ।
कोरोना संक्रमणकका कारण स्थगित उडान २ महिनापछि सुरु हुने भएको हो ।
आज काठमाडौंबाट नौ यात्रु लिएर गएको विमान मौसम खराबीका कारण अवतरण हुन नसकेको सुकेटार विमानस्थलका स्टेशन इन्चार्ज लोकेन्द्र लिम्बूले बताए । बाह्र मिनेटभन्दा बढी अवतरणको प्रयास गर्दा पनि मौसमका कारणले अवतरण हुन नसकेर काठमाडौंमै फर्किएको जनाइएको छ ।
ताप्लेजुङबाट १२ यात्रु काठमाडौं जानका लागि बुकिङ गरेर सुकेटार विमानस्थलसम्म पुगेका थिए । मौसमका कारणले विमान अवतरण हुन नसक्दा पूर्न फुङ्लिङ बजार फर्कीएको लिम्बूले बताए ।
सुकेटारमा हप्तामा चार दिन ९सोमबार, बुधबार, शुक्रबार र शनिबार० नियमित उडान हुने सुकेटार विमानस्थल कार्यालयले जनाएको छ ।
तत्कालका लागि काठमाडौंदेखि ताप्लेजुङसम्म सात हजार ५० रुपैयाँ र ताप्लेजुङदेखि काठमाडौं सात हजार १९० रुपैयाँ भाडा शुल्क तोकिएको सुकेटार विमानस्थल कार्यालयले जनाएको छ। निगमले ताप्लेजुङदेखि प्रदेश नं १ राजधानी विराटनगरमा पनि नियमित उडानका लागि प्रक्रिया अगाडि बढाइरहेको बताइएको छ ।
