- बिहिबार, भदौ ४, २०८३ / Thursday, Aug, 20 ,2026
पहिरोका कारण नारायणगढ–मुग्लिन सडक आज पनि अवरुद्ध बनेको छ।
जिल्ला प्रहरी कार्यालय चितवनका अनुसार यस सडकखण्डअन्तर्गत चितवनको इच्छाकामना गाउँपालिका–६ कालीखोलामा सुक्खा पहिरो खसेपछि बिहान ४: ४५ बजेदेखि सडक दुईतर्फी अवरुद्ध बनेको हो।
अहिले पनि पहिरो खसिरहेको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए। उनका अनुसार सो पहिरो हटाई सडक खुलाउन बिहान ९ बजेसम्म लाग्ने अनुमान छ।
यसअघि पनि पहिरोका कारण यो सडक पटकपटक अवरुद्ध हुँदै आएको छ।
