- आइतवार, कार्तिक १६, २०८३ / Sunday, Nov, 01 ,2026
कक्षा ११ मा अनिवार्य गणित विषय अध्ययन गर्ने विद्यार्थीले ऐच्छिक गणित रोज्न नपाउने भएका छन् ।
पाठ्यक्रमको नयाँ संरचनाअनुसार कक्षा ११ को पाठ्यक्रममा गणित विषयलाई अनिवार्य (००७१) र ऐच्छिक (४०११) दुवै समूहमा राखिएकाले विद्यार्थीले एउटा समूहको गणित मात्र रोज्नुपर्ने व्यवस्था गरिएको राष्ट्रिय परीक्षा बोर्डले जनाएको छ ।
बोर्डले विद्यार्थीले परीक्षा आवेदन फाराम र रजिस्ट्रेसन फाराम भर्दा दुवै समूहमा गणित विषय रोजेमा फारम रद्द हुने जनाएको छ। थप विषय अध्ययन गर्न चाहने विद्यार्थीले बाँकी रहेको समूहबाट गणितबाहेक अन्य विषय रोज्नुपर्ने हुन्छ ।
