- बिहिबार, भदौ ४, २०८३ / Thursday, Aug, 20 ,2026
नेकपा एमालेका उपाध्यक्ष भीम रावलले संसद पदबाट आइतबार नै राजीनामा दिएका थिए । आइतबार प्रधानमन्त्री शेरबहादुर देउवाले प्रतिनिधिसभामा विश्वासको मत लिनुअघि रावलले राजीनामा दिएका हुन् ।
रावलले सभामुख अग्निप्रसाद सापकोटालाई राजीनामा पत्र बुझाएको २४ घण्टाभन्दा बढी समय भइसक्दा पनि अहिलेसम्म उनको राजीनामा स्वीकृत भएको छैन ।
रावलको राजीनामा अझै विचाराधीन अवस्थामा रहेको बताइएको छ । पार्टी भित्रबाट रावललाई राजीनामा फिर्ता लिन दबाब समेत परिरहेको बुझिएको छ ।
पार्टी अध्यक्ष केपी शर्मा ओलीले आज बसेको केन्द्रीय कमिटी बैठकमा रावलले हतारिएर राजीनामा दिएको भन्दै फिर्ता गराउनुपर्ने बताए । पार्टीका अन्य नेताहरुले पनि रावलले राजीनामा दिनु उपयुक्त नभएको भन्दै फिर्ता लिन आग्रह गरिरहेको बुझिएको छ ।
